Мюнхеннинг "Бавария" клуби жорий трансфер ойнасида янги дарвозабон излашда давом этмоқда, деб ёзади журналист Флориан Плеттенберг ижтимоий тармоқларида.
Манба берган хабарга кўра, "Манчестер Сити" дарвозабони Стефан Ортега варианти ҳозирда "Бавария" раҳбариятида муҳокама қилинмоқда. Футболчи томони билан музокаралар аллақачон олиб борилган.
Қайд этилишича, Англия жамоаси бош мураббийи Хосеп Гвардиола дарвозабонни жамоада қолишини истайди ва футболчи билан шартномани узайтириш вариантларини кўриб чиқмоқда.
Қайд этилишича, "Бавария"га ўтиш қарори бутунлай футболчининг ўзига боғлиқ. Мюнхен клуби Свен Ульрайхнинг ўйинига қарамай, "Интер"га кетган Янн Зоммернинг ўрнига ўринбосар излашда давом этмоқда.
