L'Equipe nashri jurnalistlari "PSJ"dan Saudiyaning "Al-Hilol" klubiga o‘tishga yaqin turgan hujumchi Neymarning karyerasi rejalari haqida ma’lumot berdi.

31 yoshli braziliyalik hujumchi ikki mavsumni Yaqin Sharqda o‘tkazish niyatida, shundan so‘ng u "Barselona"ga tekinga qaytishni rejalashtirmoqda. Neymar bu yozda "ko‘k-anorranglilar" safiga ko‘chib o‘tishga tayyor edi, biroq klubning moliyaviy qiyinchiliklari tufayli shartnoma barbod bo‘ldi.

Braziliyalik futbolchi 2017 yilda "Barselona"ni tark etib, "PSJ"ga o‘tgan edi. Kelishuv rekord darajadagi 222 million yevroni tashkil etdi. Neymarning fransuz klubi bilan shartnomasi 2025 yilning iyun oyi oxirida tugaydi.