«Atletiko Madrid» hujumchisi Antuan Grizmann nima uchun ba’zi futbolchilar Saudiya Arabistoniga o‘tishga rozi bo‘lganini tushuntirib berdi.
«Bu hammaning darajasiga bog‘liq. Agar hamma narsa yaxshi ketsa, futbolchining 12 yoki 13 yillik faoliyati bor, chunki futbol 35 yoshda tugaydi.
Har kim shundan so‘ng o‘zidan so‘raydi: bunday takliflarni qabul qilish kerakmi? Hozir men o‘z o‘rnimdan mamnunman, ammo Saudiya Arabistonidan kelayotgan takliflar juda muhim va sizning oilangiz hayotini belgilab berishi mumkin», - dedi Grizmann.
