Mashhur sobiq futbolchi Aryen Robben kelajakda o‘zini murabbiylik sohasida sinab ko‘rishi mumkin.

39 yoshli Aryen murabbiylik lisenziyasi kursini boshlamoqda. Dastlab Robben o‘zining tug‘ilgan Groningen shahrida amaliyot o‘taydi.

Klub matbuot xizmati xabariga ko‘ra, Aryen haftasiga ikki marta klubning bir nechta jamoalari bilan mashg‘ulot o‘tkazib, 18 yoshgacha bo‘lgan toifadagi jamoaga alohida e’tibor qaratadi.

«Bir yildan keyin ham bu bilan shug‘ullanamanmi, buni bilish men uchun muhim», dedi Robben.

Aryen Robben faoliyati davomida «Groningen», «PSV», «Chelsi», «Real» va «Bavariya» klublarida o‘ynagan.