Машҳур собиқ футболчи Арьен Роббен келажакда ўзини мураббийлик соҳасида синаб кўриши мумкин.
39 ёшли Арьен мураббийлик лицензияси курсини бошламоқда. Дастлаб Роббен ўзининг туғилган Гронинген шаҳрида амалиёт ўтайди.
Клуб матбуот хизмати хабарига кўра, Арьен ҳафтасига икки марта клубнинг бир нечта жамоалари билан машғулот ўтказиб, 18 ёшгача бўлган тоифадаги жамоага алоҳида эътибор қаратади.
«Бир йилдан кейин ҳам бу билан шуғулланаманми, буни билиш мен учун муҳим», деди Роббен.
Арьен Роббен фаолияти давомида «Гронинген», «ПСВ», «Челси», «Реал» ва «Бавария» клубларида ўйнаган.
