Turkiyaning “Galatasaroy” klubi “PSJ” yarim himoyachisi Marko Verratti bo‘yicha taklif tayyorlamoqda, deya xabar beradi Fotomac.

Manbaga ko‘ra, turklar italiyalikni kelasi mavsum uchun ijaraga olmoqchi va uch million yevro to‘lamoqchi, shuningdek, taklifga o‘n million yevroga sotib olish varianti ham kiritiladi.

30 yoshli futbolchining fransuz klubi bilan shartnomasi 2026 yilning 30 iyuniga qadar tuzilgan. Transfermarkt uni 40 million yevroga baholamoqda.

Avvalroq Verratti “Peskara”da o‘ynagan, 2012 yilda esa “PSJ” bilan shartnoma imzolagan (transfer summasi 12 million yevro edi).