Туркиянинг “Галатасарой” клуби “ПСЖ” ярим ҳимоячиси Марко Верратти бўйича таклиф тайёрламоқда, дея хабар беради Fotomac.
Манбага кўра, турклар италияликни келаси мавсум учун ижарага олмоқчи ва уч миллион евро тўламоқчи, шунингдек, таклифга ўн миллион еврога сотиб олиш варианти ҳам киритилади.
30 ёшли футболчининг француз клуби билан шартномаси 2026 йилнинг 30 июнига қадар тузилган. Transfermarkt уни 40 миллион еврога баҳоламоқда.
Аввалроқ Верратти “Пескара”да ўйнаган, 2012 йилда эса “ПСЖ” билан шартнома имзолаган (трансфер суммаси 12 миллион евро эди).













