Italiyaning “Napoli” klubi Ispaniyaning “Selta” klubidan iqtidorli yarim himoyachi Gabri Veyga bilan shartnoma imzoladi. Jurnalist Fabrisio Romanoning yozishicha, neapolliklar 21 yoshli yarim himoyachi uchun 36 million evro to‘laydi - bu futbolchining 40 millionni tashkil etgan tovon pulidan biroz kamroq.
Manbaning ta’kidlashicha, "Napoli" birinchi navbatda 30 million yevro to‘laydi, qolgan 6 millionni esa kelajakda bonus sifatida to‘lash mumkin. Tez orada Veyga Rudi Garsiya jamoasida tibbiy ko‘rikdan o‘tishi kerak.
Eslatib o‘tamiz, Veygaga avvalroq "Real Madrid", "Manchester Siti", "Liverpul" va "Chelsi" kabi gigantlar qiziqish bildirgan.
