Италиянинг “Наполи” клуби Испаниянинг “Сельта” клубидан иқтидорли ярим ҳимоячи Габри Вейга билан шартнома имзолади. Журналист Фабрицио Романонинг ёзишича, неаполликлар 21 ёшли ярим ҳимоячи учун 36 миллион эвро тўлайди - бу футболчининг 40 миллионни ташкил этган товон пулидан бироз камроқ.
Манбанинг таъкидлашича, "Наполи" биринчи навбатда 30 миллион евро тўлайди, қолган 6 миллионни эса келажакда бонус сифатида тўлаш мумкин. Тез орада Вейга Руди Гарсия жамоасида тиббий кўрикдан ўтиши керак.
Эслатиб ўтамиз, Вейгага аввалроқ "Реал Мадрид", "Манчестер Сити", "Ливерпуль" ва "Челси" каби гигантлар қизиқиш билдирган.
