Juma kuni "Liverpul" Vataru Endo bilan shartnoma imzolaganini e’lon qildi. 30 yoshli yaponiyalik futbolchi "Shtutgart"dan transferi yakunlanganidan so‘ng o‘z fikrlari bilan o‘rtoqlashdi.
"Endi men katta klubga, "Liverpul"ga qo‘shilganimdan juda xursandman va juda hayajondaman. Bu ajoyib va bu mening orzuim. Dunyoning eng yirik klublaridan biri bilan Premyer-ligada o‘ynash mening orzuim bo‘lgan. Mening orzuim amalga oshdi.
“Enfild”da “Liverpul” muxlislari qarshisida o‘ynashni sabrsizlik bilan kutyapman. Men "oltilik" pozisiyasida o‘ynayman va men ko‘proq himoyachiga o‘xshayman. O‘ylaymanki, men yangi jamoamga himoyada yordam bera olaman”, dedi Endo klub matbuot xizmatiga.
