Madridning “Atletiko” klubi hujumchisi Joau Feliks faoliyatini Italiya chempionatida davom ettirish imkoniyatiga ega. Football Italia jurnalistlariga ma’lum bo‘lishicha, futbolchini o‘z safiga portugaliyalik mutaxassis Joze Mourinyo boshchiligidagi "Roma" qo‘shib olmoqchi.
Manba bergan xabarga ko‘ra, Rim klubi Feliksni 2023/2024 yilgi mavsum oxirigacha ijaraga olishni istamoqda.
O‘tgan mavsumda "matraschilar" portugaliyalikni Londonning "Chelsi"siga ijaraga bergandi. 23 yoshli forvard Angliya Premyer-ligasida 16 ta o‘yinda maydonga tushib, 4 ta gol urgan.