Мадриднинг “Атлетико” клуби ҳужумчиси Жоау Феликс фаолиятини Италия чемпионатида давом эттириш имкониятига эга. Football Italia журналистларига маълум бўлишича, футболчини ўз сафига португалиялик мутахассис Жозе Моуриньо бошчилигидаги "Рома" қўшиб олмоқчи.
Манба берган хабарга кўра, Рим клуби Феликсни 2023/2024 йилги мавсум охиригача ижарага олишни истамоқда.
Ўтган мавсумда "матрасчилар" португалияликни Лондоннинг "Челси"сига ижарага берганди. 23 ёшли форвард Англия Премьер-лигасида 16 та ўйинда майдонга тушиб, 4 та гол урган.