«Portu» yarim himoyachisi Otavio Arabistonning «An-Nasr» klubiga ko‘chib o‘tdi. Endi u Krishtianu Ronaldu bilan birgalikda faoliyat olib boradi.

Mashhur jurnalist Fabrisio Romanoning xabar berishicha, Ar-Riyod klubi Portugaliya grandiga 60 million yevro berishga rozi bo‘lgan.

Ma’lum qilinishicha, arab jamoasi ushbu summani bir necha qismga bo‘lib to‘laydi. O‘yinchi endi tibbiy ko‘rikdan o‘tishi kerak, bu «ajdarlar» uchun rekord summa bo‘ladi.

Eslatib o‘tamiz, Otavio «Portu»da 2014 yildan buyon o‘ynab kelmoqda, u barcha turnirlarda 282 ta o‘yin o‘tkazib, 31 ta gol urgan.

Portugaliya terma jamoasi futbolchisining «An-Nasr»dagi sheriklari Krishtianu Ronaldu, Sadio Mane, Marselo Brozovich, Aleks Telles, Seko Fofana va Taliska bo‘ladi.