Hujumchi Aleksandr Mitrovich rasman “Fulxem”dan “Al-Hilol”ga o‘tdi.
Ingliz klubi matbuot xizmati serbiyalik futbolchining transferini e’lon qildi - bu sotuv londonliklar tarixidagi rekord bo‘ldi. Nufuzli manbalarga ko‘ra, Mitrovich “Al-Hilol”ga 50 million yevroga tushgan.
Serbiyalik hujumchi 2018 yilda "Nyukasl"dan "Fulxem"ga ko‘chib o‘tgan, u avvalroq londonliklar safida ijara asosida o‘ynagan. Umuman olganda, 28 yoshli futbolchi poytaxtliklar safida 206 uchrashuvda 111 ta gol urgan va 22 ta golli uzatmani amalga oshirgan. Premyer-liganing so‘nggi mavsumida Mitrovich 24 uchrashuvda 14 ta gol urgan.
