Ҳужумчи Александр Митрович расман “Фулхэм”дан “Ал-Ҳилол”га ўтди.

Инглиз клуби матбуот хизмати сербиялик футболчининг трансферини эълон қилди - бу сотув лондонликлар тарихидаги рекорд бўлди. Нуфузли манбаларга кўра, Митрович “Ал-Ҳилол”га 50 миллион еврога тушган.

Сербиялик ҳужумчи 2018 йилда "Ньюкасл"дан "Фулхэм"га кўчиб ўтган, у аввалроқ лондонликлар сафида ижара асосида ўйнаган. Умуман олганда, 28 ёшли футболчи пойтахтликлар сафида 206 учрашувда 111 та гол урган ва 22 та голли узатмани амалга оширган. Премьер-лиганинг сўнгги мавсумида Митрович 24 учрашувда 14 та гол урган.