Krishtianu Ronaldu bilan shov-shuvli intervyu olgan britaniyalik jurnalist Pirs Morgan yana bir bor «Manchester Yunayted» bosh murabbiyi Erik ten Xag haqida salbiy fikr bildirdi.
«Shunday lahzalar keladiki, «Manchester Yunayted» muxlislari jamoaviy komadan uyg‘onadilar. Shunda ular KriRoning Ten Xag haqida to‘g‘ri fikr aytganini tushunishadi. Bu murabbiy mag‘lub bo‘laveradi», - dedi Morgan ijtimoiy tarmoqda.
Angliya premyer-ligasining 2-turida «Manchester Yunayted» Londonning «Tottenxem» jamoasiga 0:2 hisobida mag‘lub bo‘ldi.
Birinchi uchrashuvda «mankunianliklar» o‘z maydonida «Vulverxempton»ni minimal hisobda mag‘lub etishgandi (1:0).
