Криштиану Роналду билан шов-шувли интервью олган британиялик журналист Пирс Морган яна бир бор «Манчестер Юнайтед» бош мураббийи Эрик тен Хаг ҳақида салбий фикр билдирди.
«Шундай лаҳзалар келадики, «Манчестер Юнайтед» мухлислари жамоавий комадан уйғонадилар. Шунда улар КриРонинг Тен Хаг ҳақида тўғри фикр айтганини тушунишади. Бу мураббий мағлуб бўлаверади», - деди Морган ижтимоий тармоқда.
Англия премьер-лигасининг 2-турида «Манчестер Юнайтед» Лондоннинг «Тоттенхэм» жамоасига 0:2 ҳисобида мағлуб бўлди.
Биринчи учрашувда «манкунианликлар» ўз майдонида «Вулверхэмптон»ни минимал ҳисобда мағлуб этишганди (1:0).
