Superliga 17-turida safarda «Turon»ni mag‘lub etgan «Bunyodkor» klubi bosh murabbiyi Aleksandr Krestinin g‘alaba haqida fikr bildirdi.

“Avvalo, bugungi g‘alaba bilan jamoamiz muxlislarini tabriklayman. Qiyin o‘yinda g‘alaba qozona oldik. Raqib o‘yinni yaxshi tashkil etadigan jamoa. Ular so‘nggi o‘yinlarda o‘zlarini o‘nglashdi va kerakli ochkolarni qo‘lga kiritishdi. Bugun o‘yinda ustunlikka ega bo‘ldik, ko‘plab vaziyatlar yaratdik va raqibga qaraganda yaxshiroq o‘ynadik. Yakunda g‘alaba golini kiritib uch ochkoni qo‘lga kiritganimizdan xursandman”.

“Ismonaliyev avvalgi o‘yinda asosiy tarkibda maydonga tushgan bo‘lsa, bugun zaxiradan tushdi. Bu futbol va o‘yinga kim tayyor bo‘lsa o‘sha tushadi. Tarkibimizda darvozabondan tashqari yana etarlicha futbolchilar bor. Muammo ko‘rmayapman”.