"Zenit" "Benfika" vingeri David Neresning transferini rasmiylashtirishga urinishlarini davom ettirmoqda. Diario de Transferencias'ning CNN Portugal nashriga tayanib xabar berishicha, peterburgliklar Portugaliya klubiga 45 million yevro miqdorida yangi taklif tayyorlamoqda.
Avvalroq, "Zenit" 26 yoshli braziliyalik uchun 35 million taklif qilgan, biroq rad javobi berilgandi. A Bola nashri Neresning o‘zi Rossiya klubiga o‘tmoqchi emasligini ta’kidladi.
O‘tgan mavsumda vinger barcha turnirlarda 48 ta o‘yinda maydonga tushib, 12 ta gol urdi va 16 ta golli uzatmani amalga oshirdi. Transfermarkt portali futbolchining narxini 25 million yevroga baholamoqda.
