«Empoli» himoyachi Bartosh Bereshinskini o‘z safiga qo‘shib olganini e’lon qildi.
A Seriya klubi 31 yoshli polyakni «Sampdoriya»dan sotib olish huquqi bilan ijaraga oldi. Eslatib o‘tamiz, Bereshinski o‘tgan mavsumning ikkinchi qismini «Napoli»da ijara asosida o‘tkazgan.
Shundan so‘ng u Italiya chempionatining 2022/2023 yilgi mavsumi yakunlariga ko‘ra B Seriyaga tushib ketgan «Sampdoriya»ga qaytdi.
«Empoli» yangi chempionatni o‘z maydonida «Verona»dan minimal 0:1 hisobida mag‘lubiyat bilan boshladi.
Jamoa A Seriyaning 2-turida «Monsa»ga qarshi maydonga tushadi. Uchrashuv 26 avgust, shanba kuni bo‘lib o‘tadi.
