"Barselona" vingeri Abde Ezzalzulining kelajagi noaniqligicha qolmoqda.
Ba’zi ma’lumotlarga ko‘ra, "ko‘k-anorranglilar" Joau Feliksni qo‘lga kiritish uchun marokashlik bilan xayrlashishga tayyor. Insayder Matteo Morettoning so‘zlariga ko‘ra, bosh murabbiy Xavi Ernandes Ezzalzulini jamoada qoldirishni istaydi, klub rahbariyati ham 21 yoshli futbolchini sotishni istamayapti, biroq u transfer davrining so‘nggi kunlarida turli variantlarni ko‘rib chiqishga tayyor.
Abde Ezzalzuliga Angliyaning “Aston Villa”, Germaniyaning “Bayer” va Ispaniyaning “Betis” klublari qiziqish bildirmoqda. Transfermarkt ekspertlari fikricha, futbolchining narxi 15 million yevroni tashkil qiladi.
