"Барселона" вингери Абде Эззалзулининг келажаги ноаниқлигича қолмоқда.
Баъзи маълумотларга кўра, "кўк-анорранглилар" Жоау Феликсни қўлга киритиш учун марокашлик билан хайрлашишга тайёр. Инсайдер Маттео Мореттонинг сўзларига кўра, бош мураббий Хави Эрнандес Эззалзулини жамоада қолдиришни истайди, клуб раҳбарияти ҳам 21 ёшли футболчини сотишни истамаяпти, бироқ у трансфер даврининг сўнгги кунларида турли вариантларни кўриб чиқишга тайёр.
Абде Эззалзулига Англиянинг “Астон Вилла”, Германиянинг “Байер” ва Испаниянинг “Бетис” клублари қизиқиш билдирмоқда. Transfermarkt экспертлари фикрича, футболчининг нархи 15 миллион еврони ташкил қилади.
