Fransiyaning “Monako” klubi Londonning “Arsenal” klubi bilan hujumchi Folarin Balogunning transferi borasida og‘zaki kelishib oldi. Sky Sports xabariga ko‘ra, monakoliklar hozircha amerikalik futbolchini transfer qilish bo‘yicha rasmiy taklif bilan chiqishmagan.
Manbaning ta’kidlashicha, klublar hali to‘lov bo‘yicha kelishib olishmagan. Avvalroq Balogunga Londonning “Chelsi” klubi qiziqish bildirayotgan edi, biroq Maurisio Pochettino jamoasi hujumchi uchun 58 million yevro to‘lamoqchi emas.
Folarin o‘tgan mavsumni ijara asosida "Reyms"da o‘tkazdi va u yerda yosh mutaxassis Vil Stil qo‘l ostida Fransiya chempionatida 21 ta gol urdi.
