Франциянинг “Монако” клуби Лондоннинг “Арсенал” клуби билан ҳужумчи Фоларин Балогуннинг трансфери борасида оғзаки келишиб олди. Sky Sports хабарига кўра, монаколиклар ҳозирча америкалик футболчини трансфер қилиш бўйича расмий таклиф билан чиқишмаган.
Манбанинг таъкидлашича, клублар ҳали тўлов бўйича келишиб олишмаган. Аввалроқ Балогунга Лондоннинг “Челси” клуби қизиқиш билдираётган эди, бироқ Маурисио Почеттино жамоаси ҳужумчи учун 58 миллион евро тўламоқчи эмас.
Фоларин ўтган мавсумни ижара асосида "Реймс"да ўтказди ва у ерда ёш мутахассис Вил Стил қўл остида Франция чемпионатида 21 та гол урди.
