“Manchester Siti”ning o‘ng qanot himoyachisi Joau Kanselu hali “Barselona”ga o‘tgani yo‘q.

Turli manbalardan olingan avvalgi xabarlarga ko‘ra, Kataloniya klubi portugaliyalikning ijara shartnomasini shu hafta oxirigacha yakunlashni maqsad qilgandi. Ko‘rinishidan, reja amalga oshmaydi: insayder Matteo Morettoning so‘zlariga ko‘ra, 29 yoshli futbolchi "Barselona"ga o‘tish uchun tibbiy ko‘rikdan o‘tishini keyinga qoldirgan - u avval o‘ylagandek juma kuni kelmaydi. Transfer kelasi hafta boshida yopilishi kutilmoqda.

Eslatib o‘tamiz, "Barselona" kelajakda Joau Kanseluni sotib olishi mumkin - bunday imkoniyat "Manchester Siti" bilan tuzilgan ijara shartnomasida ko‘zda tutilgan.