“Манчестер Сити”нинг ўнг қанот ҳимоячиси Жоау Канселу ҳали “Барселона”га ўтгани йўқ.
Турли манбалардан олинган аввалги хабарларга кўра, Каталония клуби португалияликнинг ижара шартномасини шу ҳафта охиригача якунлашни мақсад қилганди. Кўринишидан, режа амалга ошмайди: инсайдер Маттео Мореттонинг сўзларига кўра, 29 ёшли футболчи "Барселона"га ўтиш учун тиббий кўрикдан ўтишини кейинга қолдирган - у аввал ўйлагандек жума куни келмайди. Трансфер келаси ҳафта бошида ёпилиши кутилмоқда.
Эслатиб ўтамиз, "Барселона" келажакда Жоау Канселуни сотиб олиши мумкин - бундай имконият "Манчестер Сити" билан тузилган ижара шартномасида кўзда тутилган.
