Transfer Football xabariga ko‘ra, hujumchi Eden Azar faoliyatini Angliyada davom ettirishi mumkin.
Manbaga ko‘ra, 32 yoshli belgiyalik futbolchiga "Kristal Pelas" da’vogarlik qilmoqda. Londonliklar futbolchining jarohatlari bilan bog‘liq muammolariga qaramay, unga bir yillik shartnoma taklif qilishga tayyor.
"Real Madrid" iyun boshida Azar bilan shartnomani bekor qilganini e’lon qildi. Qanot hujumchisi 2019 yildan beri "Real"da o‘ynab kelmoqda. 2022/23 yilgi mavsumda u barcha musobaqalarda 10 ta o‘yinda maydonga tushib, 1 ta gol urdi va 2 ta golli uzatmani amalga oshirdi.
