"Liverpul" hujumchisi Darvin Nunyes Angliyaning yana bir top-klubi nishoniga tushdi. Bu haqda Goal xabar bermoqda.
Jurnalistlarga ma’lum bo‘lishicha, Londonning "Chelsi" jamoasi urugvaylik hujumchini o‘z safida ko‘rmoqchi. Mersisaydliklar agar “pensionerlar” 24 yoshli futbolchini transfer qilish bo‘yicha foydali taklif bilan chiqishsa, muzokaraga tayyor.
Darvin o‘tgan yozda "Benfika"dan "Liverpul"ga o‘tgan edi. Transfer summasi 80 million yevroni tashkil qildi.