"Atletiko" "Tottenxem" yarim himoyachisi Pyer-Emil Xyoybyerg transferini amalga oshirmoqchi.
Daniyalikning "matraschilar" lageriga o‘tishi haqidagi mish-mishlar yozgi transfer davri boshida paydo bo‘lgandi, biroq klublar kelisha olishmadi. Jurnalist Matteo Morettoning xabar berishicha, "Atletiko" 28 yoshli yarim himoyachini transfer oynasi yopilguniga qadar qo‘lga kiritishdan umidini yo‘qotmaydi, biroq shartnomani yakunlash uchun madridliklar Joau Feliks va boshqa futbolchi bilan xayrlashishi kerak.
Transfermarkt ma’lumotlariga ko‘ra Pyer-Emil Xyoybyerg 45 million yevroga baholangan.
Joau Feliksga "Barselona" va Saudiya Arabistoni klublari qiziqish bildirmoqda.