"PSJ" hujumchisi Kilian Mbappe yozda "Real"ga o‘tmaydi.
Parijliklar rahbariyati fransiyalik futbolchining kelasi yili tugaydigan shartnomasini uzaytirishni istamagani uchun uni sotish imkoniyatini jiddiy ko‘rib chiqdi. Keyinchalik tomonlar mojaroni yumshatishga muvaffaq bo‘lishdi va o‘zingizga ma’lumki, endilikda 24 yoshli hujumchi "PSJ" bilan yangi shartnoma imzolashi mumkin. Insayder Fabrisio Romanoning so‘zlariga ko‘ra, hozircha Liga 1 giganti va superyulduz uchun asosiy da’vogar hisoblangan “Real Madrid” o‘rtasida muzokaralar olib borilmayapti. Boshqa klublar ham Mbappe transferini ko‘rib chiqmayapti.