"Real Madrid" kelasi yozda o‘zining qanot himoyasini kuchaytirmoqchi. Insayder Rodraning so‘zlariga ko‘ra, "Qirollik klubi" "Chelsi"ning o‘ng qanot himoyachisi Ris Jeyms va "Bavariya"ning chap qanot himoyachisi Alfonso Devisni sotib olishni mo‘ljallab turibdi.

Manbaning aytishicha, "Real" kelasi yozda Devis va Jeymsni sotib olishga harakat qiladi. "Bavariya" va "Chelsi"ni sotishga ishontirish juda qiyin bo‘ladi, chunki ular o‘z futbolchilarini asosiy o‘yinchilar deb bilishadi.

Alfonso Devis hozir 22 yoshda, Jeyms esa 23 yoshda. Ikkala futbolchi ham faoliyati davomida Chempionlar ligasida g‘olib bo‘lishgan. Shu bilan birga, Alfonso va Ris so‘nggi yillarda tez-tez jarohat olishmoqda.