Madridning "Real" klubi hujumchisi Vinisius Junior bo‘lajak o‘yinlarda Braziliya terma jamoasi ixtiyoriga bormaydi. Eslatib o‘tamiz, futbolchi Ispaniya La ligasining so‘nggi turida "Selta"ga qarshi o‘yinda jarohat olgan edi.
Vinisius bugun chuqurlashtirilgan ko‘rikdan o‘tishi rejalashtirilgan, biroq COPE nashrining xabariga ko‘ra, tibbiy tekshiruvlar natijalaridan qat’iy nazar, braziliyalik futbolchi keyingi o‘yinlar uchun o‘z terma jamoasi joylashgan joyga bormaydi.
Katta ehtimol bilan Vinisius terma jamoadagi tanaffusdan keyin “Real”da o‘ynaydi. Ispaniya chempionatining yangi mavsumida braziliyalik futbolchi Karlo Anchelotti jamoasi uchun uchta o‘yinda bitta gol urdi.
