"Bavariya" hujumchisi Xarri Keyn Myunxen klubi bosh murabbiyi Tomas Tuxel haqida gapirdi.
“Tuxel bilan Premyer-ligada bir necha bor yo‘llarimiz kesishgan. Yozda uchrashganimizda, uning energiyasi meni darhol hayratda qoldirdi. U g‘oyalarga to‘la, ajoyib inson.
Murabbiy bilan yaxshi munosabatda bo‘lish men uchun muhim. Buning uchun poydevor allaqachon qo‘yilgan. Tomas nima o‘ylayotganini yuziga aytadi - va u sizdan ham shunday qilishingizni xohlaydi. Biz ham insoniy, ham professional nuqtai nazardan kelishib oldik”, - deydi Keyn.
12 avgust kuni Myunxen klubi "Tottenxem"dan Xarri Keyn transferini e’lon qildi. 30 yoshli angliyalikning jamoa bilan shartnomasi 2027 yilning iyuniga qadar tuzilgan.
