"Бавария" ҳужумчиси Харри Кейн Мюнхен клуби бош мураббийи Томас Тухель ҳақида гапирди.
“Тухель билан Премьер-лигада бир неча бор йўлларимиз кесишган. Ёзда учрашганимизда, унинг энергияси мени дарҳол ҳайратда қолдирди. У ғояларга тўла, ажойиб инсон.
Мураббий билан яхши муносабатда бўлиш мен учун муҳим. Бунинг учун пойдевор аллақачон қўйилган. Томас нима ўйлаётганини юзига айтади - ва у сиздан ҳам шундай қилишингизни хоҳлайди. Биз ҳам инсоний, ҳам профессионал нуқтаи назардан келишиб олдик”, - дейди Кейн.
12 август куни Мюнхен клуби "Тоттенхэм"дан Харри Кейн трансферини эълон қилди. 30 ёшли англияликнинг жамоа билан шартномаси 2027 йилнинг июнига қадар тузилган.
