«Liverpul» bosh murabbiyi Yurgen Klopp «Nyukasl Yunayted»ga qarshi kechgan bahsda Virjil van Deykning qizil kartochka olib, chetlatgani haqida gapirdi.
Gollandiyalik futbolchi birinchi bo‘limda qizil kartochka olib, «qizillar»ni qiyin ahvolga solib qo‘ydi.
«Virjil shunchaki to‘p ortidan yugurdi va kontaktga qo‘shildi. Ammo bu keskin harakat emas edi. Agar unga uchta o‘yinlik diskvalifikasiya berishsa, bu noto‘g‘ri.
Biroq, u ketganidan so‘ng, yigitlar aql bovar qilmas natijani yaratishga muvaffaq bo‘lishdi», – dedi Klopp.
Eslatib o‘tamiz, uchrashuv «Liverpul»ning 2:1 hisobidagi irodali g‘alabasi bilan yakunlangan edi. «Qizillar»ning ikkala goliga ham hujumchi Darvin Nunyes mualliflik qildi.
