«Ливерпуль» бош мураббийи Юрген Клопп «Ньюкасл Юнайтед»га қарши кечган баҳсда Виржил ван Дейкнинг қизил карточка олиб, четлатгани ҳақида гапирди.
Голландиялик футболчи биринчи бўлимда қизил карточка олиб, «қизиллар»ни қийин аҳволга солиб қўйди.
«Виржил шунчаки тўп ортидан югурди ва контактга қўшилди. Аммо бу кескин ҳаракат эмас эди. Агар унга учта ўйинлик дисквалификация беришса, бу нотўғри.
Бироқ, у кетганидан сўнг, йигитлар ақл бовар қилмас натижани яратишга муваффақ бўлишди», – деди Клопп.
Эслатиб ўтамиз, учрашув «Ливерпул»нинг 2:1 ҳисобидаги иродали ғалабаси билан якунланган эди. «Қизиллар»нинг иккала голига ҳам ҳужумчи Дарвин Нуньес муаллифлик қилди.