"Sherlar" Superliganing 18-turida Navoiyda "Qizilqum" mehmoni bo‘lishadi.

Chempionat doirasida jamoalar 47 uchrashuvda maydonga tushishgan. O‘zaro o‘yinlar bo‘yicha ustunlik yaqqol jamoamiz tarafida. 40 bahsda zafar quchgan "Paxtakor" 6 bor raqib bilan durang o‘ynagan va bir marta imkoniyatni boy bergan. "Qizilqum" darvozasiga 133 gol urilib, 27 to‘p o‘tkazib yuborilgan.

Navoiydagi 23 uchrashuvning birortasida "Sherlar" mag‘lubiyatga uchramagan. Mehmonda 19 g‘alaba va 4 durang natija kuzatilgan. Safardagi 8 uchrashuvda jamoamiz yirik hisobda zafar quchgan. O‘tgan mavsumda jamoamiz mehmonda 2:0 hisobida g‘olib bo‘lgan.

Bu jamoalarning 2007 yil Navoiyda o‘tgan bellashuvida O‘zbekiston oliy ligasi tarixidagi eng yirik natija qayd etilgan. O‘shanda "Sherlar" mezbonlar ustidan 11:0 hisobida zafar quchishgan. O‘shanda "Paxtakor" hozirgacha rekord sanalgan yirik g‘alabani qo‘lga kiritgan.

Bahsni "Paxtakor"dan diskvalifikasiya tufayli Muhammadqodir Hamraliyev, "Qizilum"dan Ifeanyi Ifeanyi o‘tkazib yuboradi.

"Qizilqum" va "Paxtakor" o‘rtasidagi uchrashuv 29 avgust, seshanba kuni soat 19:30da "Yoshlar" sport majmuasi stadionida boshlanadi.