Ispaniya qirollik futbol federasiyasi (RFEF) rahbari ispanlarning jahon chempionati finalidagi g‘alabasidan so‘ng taqdirlash marosimida ispaniyalik futbolchi Jennifer Ermosoning lablaridan o‘pdi. Rubiales o‘z lavozimini tark etishdan bosh tortdi, shundan so‘ng FIFA uni 90 kunga futboldan chetlatdi.
Anjeles Bexar bugun ertalab Motril shahridagi cherkovda o‘zini qamab oldi va o‘g‘lining "qonli va g‘ayriinsoniy ov" muammosiga yechim topilmaguncha ochlik e’lon qildi.
Rubialesning onasi, singlisi bilan birga, ruhoniy ketganidan keyin cherkovda qoldi va u yerda o‘zini qulfladi. Uning so‘zlariga ko‘ra, ochlik “kechayu-kunduz” davom etadi.
Onaning so‘zlariga ko‘ra, o‘pishda jinsiy zo‘ravonlik bo‘lmagan, chunki “fotosuratda ko‘rinib turganidek, har ikki tomonning roziligi bor”.
