"Bavariya" Ruanda davlati bilan hamkorlik shartnomasini imzoladi.

Shartnoma 5 yilga mo‘ljallangan - 2028 yilgacha. Hamkorlik “Bavariya”ning Ruanda respublikasi sport vazirligi bilan mamlakatda futbolni rivojlantirish uchun futbol akademiyasini tashkil etish bo‘yicha hamkorligini ko‘zda tutadi.

Bundan tashqari, "Bavariya" Ruandada turizm va sarmoyaviy imkoniyatlarni targ‘ib qilish bo‘yicha turli tadbirlarda ishtirok etadi. Visit Rwanda logotipi o‘yin kunlari "Alyans Arena"ning tablolarida ham aks etadi.

"Men bu hamkorlikdan juda mamnunman. "Bavariya" Afrika qit’asida faol bo‘lib, muhim tajriba orttirishi mumkin bo‘ladi. Yangi platinali hamkorlik uzoq muddatli maqsadlarimizga mos keladi – biz Ruandada turizmni targ‘ib qilamiz va bolalar futboli sohasidagi loyihalar bilan mamlakatda sportni rivojlantirishga yordam beramiz. Bu murakkab va mas’uliyatli vazifalar.

Afrika - imkoniyatlar qit’asi. “Bavariya” uchun bu xalqaro miqyosdagi navbatdagi muhim qadamdir” - dedi “Bavariya” bosh direktori Yan-Kristian Drezen.