"Brentford" "Nottingem Forest"ga yarim himoyachi Brennan Jonson uchun 43 million yevro va bonuslarni taklif qildi.

Fabrisio Romanoning so‘zlariga ko‘ra, "o‘rmonchilar" taklifni rad etishgan, bu taklifga futbolchining keyingi sotuvining ham foizi kiritilgan.

"Tottenxem" Jonsonning transferiga qiziqish bildirmoqda, u futbolchining transferi borasida "Nottingem Forest" bilan aloqada bo‘lgan.

Avvalroq, "o‘rmonchilar" Brennan uchun 50 million funt so‘ragani va narxni pasaytirmoqchi emasligi haqida ma’lumotlar paydo bo‘lgan edi.

Jonson "Nottingem Forest"da 2009 yildan beri to‘p tepib keladi. U butun faoliyatini klubda o‘tkazdi.

Brennan o‘tgan mavsumda 44 o‘yinda 10 gol va 3 golga assistentlik qilgan. Joriy mavsumda futbolchi 3 ta o‘yinda maydonga tushdi.