"Брентфорд" "Ноттингем Форест"га ярим ҳимоячи Бреннан Жонсон учун 43 миллион евро ва бонусларни таклиф қилди.
Фабрицио Романонинг сўзларига кўра, "ўрмончилар" таклифни рад этишган, бу таклифга футболчининг кейинги сотувининг ҳам фоизи киритилган.
"Тоттенхэм" Жонсоннинг трансферига қизиқиш билдирмоқда, у футболчининг трансфери борасида "Ноттингем Форест" билан алоқада бўлган.
Аввалроқ, "ўрмончилар" Бреннан учун 50 миллион фунт сўрагани ва нархни пасайтирмоқчи эмаслиги ҳақида маълумотлар пайдо бўлган эди.
Жонсон "Ноттингем Форест"да 2009 йилдан бери тўп тепиб келади. У бутун фаолиятини клубда ўтказди.
Бреннан ўтган мавсумда 44 ўйинда 10 гол ва 3 голга ассистентлик қилган. Жорий мавсумда футболчи 3 та ўйинда майдонга тушди.