"Yuventus" bosh murabbiyi Massimiliano Allegri himoyachi Leonardo Bonuchchi haqida fikr bildirdi. Klub 36 yoshli faxriyga ishonch bildirmayapti.

"Bu shunday tugaganidan afsusdaman. Fevral oyidan beri Leo bilan hamma narsa aniq edi, men u bilan bir necha bor gaplashdim. Men ham, klub ham kelasi yil u boshqa joyda o‘ynashni davom ettirish yoki faoliyatini yakunlash haqida qaror qabul qilishi kerak bo‘lgan yil bo‘lishini aytdik.

Siz 36 yoshga to‘lganingizda, 500 ta o‘yin o‘tkazib, oqsoqlansangiz ham o‘ynab "Yuventus" tarixiga kirganingizda... U "Yuventus"ga shunchalik ko‘p kuch berdi, "Yuventus" unga shunchalik ko‘p narsa berdi. U kelajakka qarab, o‘zi uchun muhim qaror qabul qilishi kerak, lekin bir yil oldin emas. Shaxs sifatida u yosh.

Unga o‘xshagan chempionning faoliyatini yakunlashi normal holat, agar bu yil bo‘lmasa, keyingi yil bo‘ladi. Faoliyatingizni tugatish haqida o‘ylaganingizda qo‘rquvni his qilish odatiy holdir. Men chempion bo‘lmaganman, shu bois faoliyatimni yakunlashim oson bo‘ldi. Ammo dinamika bir xil. Siz haqiqatni qabul qila olishingiz kerak. Agar u birinchi bo‘lib buni qilsa, o‘zi uchun yaxshi bo‘ladi. Aks holda zerikarli. Men uchun bu muhim edi. U allaqachon "Yuventus" tarixida, jamoada 500 ta o‘yin o‘tkazganlar kam", - dedi Allegri Football Italia bilan suhbatda.