Hujumkor yarim himoyachi Aleks Ivobi yaqin kunlarda «Everton»dan «Fulxem»ga o‘tishi mumkin, talkSPORT xabariga ko‘ra nigeriyalik futbolchi uchun muzokaralari yuqori bosqichda.

Aytish joizki, Ivobi avvalroq Londonda - «Arsenal»da o‘ynagan. Nigeriyalik futbolchi «kanonirlar» tarbiyalanuvchisi hisoblanadi.

Aleks Ivobi to‘rt yildan beri «Everton»da o‘ynamoqda. Bu vaqt ichida futbolchi 140 ta rasmiy o‘yinda maydonga tushib, 9 ta gol va 16 ta golli uzatmani amalga oshirgan, transfermarkt portali futbolchini 28 million yevroga baholamoqda.