"Barselona" yarim himoyachisi Abde Ezzalzuli "Sevilya"ga o‘tishi mumkin.
Relevo xabariga ko‘ra, "Sevilya" Abdeni "Fulxem"ga o‘tishga yaqin turgan Lukas Okamposning o‘rniga futbolchi sifatida ko‘rmoqda. Abde, o‘z navbatida, ko‘proq o‘yin vaqtini olish uchun "Barselona"ni tark etmoqchi.
Qayd etilishicha, Abde va uning atrofidagilar ijara asosida ketishda turib olishmoqda, "Barselona" esa futbolchini sotishga umid qilmoqda, bu esa klubning moliyaviy ahvolini yaxshilashga xizmat qiladi. Kataloniyaliklar 21 yoshli yarim himoyachini 20 million yevroga baholamoqda.
Shuningdek, Abdega futbolchining 50% huquqlari uchun 10 million yevro taklif qilishga tayyor bo‘lgan "Betis" qiziqish bildirayotgani xabar qilingan.
