"Барселона" ярим ҳимоячиси Абде Эззальзули "Севилья"га ўтиши мумкин.
Relevo хабарига кўра, "Севилья" Абдени "Фулхэм"га ўтишга яқин турган Лукас Окампоснинг ўрнига футболчи сифатида кўрмоқда. Абде, ўз навбатида, кўпроқ ўйин вақтини олиш учун "Барселона"ни тарк этмоқчи.
Қайд этилишича, Абде ва унинг атрофидагилар ижара асосида кетишда туриб олишмоқда, "Барселона" эса футболчини сотишга умид қилмоқда, бу эса клубнинг молиявий аҳволини яхшилашга хизмат қилади. Каталонияликлар 21 ёшли ярим ҳимоячини 20 миллион еврога баҳоламоқда.
Шунингдек, Абдега футболчининг 50% ҳуқуқлари учун 10 миллион евро таклиф қилишга тайёр бўлган "Бетис" қизиқиш билдираётгани хабар қилинган.