Amsterdamning “Ayaks” klubi “Mets” va Gruziya terma jamoasi hujumchisi Giorgi Mikautadze transferini rasman e’lon qildi.
Transfermarkt internet portaliga ko‘ra, transfer summasi 16 million yevroni tashkil qilgan, Niderlandiya klubi yana 3 millionni bonus sifatida to‘lashi mumkin. Mikautadze "Ayaks" bilan 2028 yilning yoziga qadar shartnoma imzoladi. 22 yoshli Fransiyada tug‘ilgan gruzin 2019 yildan buyon "Mets"ning asosiy jamoasida o‘ynab kelmoqda.