Kataloniyaning “Barselona” klubi vingeri Abde Ezzalzuli transfer oynasi tugashigacha jamoasini o‘zgartirishga qarshi emas. Insayder Gabriel Sans bergan ma’lumotlarga ko‘ra, marokashlik futbolchi "Kamp Nou"da kam o‘yin amaliyotiga ega bo‘lishini tushunadi, shuning uchun u hech bo‘lmaganda vaqtinchalik jamoani tark etmoqchi.

Manbaning ta’kidlashicha, ayni paytda "Barselona" bosh murabbiyi Xavi Ernandes Ezzalzulini o‘zida saqlab qolmoqchi. Mutaxassis marokashlikni rotasiya uchun juda muhim futbolchi deb hisoblamoqda.

Ezzalzuli o‘tgan mavsumda "Osasuna"da ijara asosida o‘ynagandi. Hozirda Abde xizmatlariga La Liganing boshqa klublari, shuningdek, Angliya Premyer-ligasi jamoalari qiziqish bildirmoqda.