Каталониянинг “Барселона” клуби вингери Абде Эззалзули трансфер ойнаси тугашигача жамоасини ўзгартиришга қарши эмас. Инсайдер Габриэль Санс берган маълумотларга кўра, марокашлик футболчи "Камп Ноу"да кам ўйин амалиётига эга бўлишини тушунади, шунинг учун у ҳеч бўлмаганда вақтинчалик жамоани тарк этмоқчи.
Манбанинг таъкидлашича, айни пайтда "Барселона" бош мураббийи Хави Эрнандес Эззалзулини ўзида сақлаб қолмоқчи. Мутахассис марокашликни ротация учун жуда муҳим футболчи деб ҳисобламоқда.
Эззалзули ўтган мавсумда "Осасуна"да ижара асосида ўйнаганди. Ҳозирда Абде хизматларига Ла Лиганинг бошқа клублари, шунингдек, Англия Премьер-лигаси жамоалари қизиқиш билдирмоқда.
