“Milan”ning belgiyalik hujumchisi Divok Origi Angliya Premyer-ligasiga qaytish imkoniyatidan bosh tortdi.
"Milan"dagi omadsiz mavsumdan so‘ng klub butun yoz davomida undan qutulishga harakat qildi va nihoyat, klubga ham, futbolchiga ham mos keladigan variant paydo bo‘ldi. Biroq Origi “Byornli”ga ketishni istamadi. pianetamilan.it xabariga ko‘ra, futbolchi boshlangan mavsumda hozirgi jamoasiga ko‘proq foyda keltira olishiga umid qilmoqda.
Eslatib o‘tamiz, bugun, juma kuni "Milan" A Seriya 3-turining birinchi o‘yinida poytaxtning "Roma" jamoasi bilan uchrashuv o‘tkazadi.