“Милан”нинг бельгиялик ҳужумчиси Дивок Ориги Англия Премьер-лигасига қайтиш имкониятидан бош тортди.
"Милан"даги омадсиз мавсумдан сўнг клуб бутун ёз давомида ундан қутулишга ҳаракат қилди ва ниҳоят, клубга ҳам, футболчига ҳам мос келадиган вариант пайдо бўлди. Бироқ Ориги “Бёрнли”га кетишни истамади. pianetamilan.it хабарига кўра, футболчи бошланган мавсумда ҳозирги жамоасига кўпроқ фойда келтира олишига умид қилмоқда.
Эслатиб ўтамиз, бугун, жума куни "Милан" А Серия 3-турининг биринчи ўйинида пойтахтнинг "Рома" жамоаси билан учрашув ўтказади.
